دردشة حزن العشاق كتابي خليجي جات حزن العشاق تجمع شباب بنات الخليج دردشة عراقنا الكتابية


 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 نكات وابوذيات تحشيش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبودي



عدد المساهمات : 5
تاريخ التسجيل : 22/06/2010
العمر : 25

مُساهمةموضوع: نكات وابوذيات تحشيش   الثلاثاء يونيو 22, 2010 6:58 am

هلووووووووو شباب شلونكم انشاء الله بخير اليوم جبتلكم نكات وابوذيات تحشيش انشاء الله تعجبكم
يلة نبدي

محشش سأل محشش كاله : أنت شلون عرفت ان رونالدو أسمه صالح ? جاوبه صاحبه : ياغبي أنت متسمع المعلق دائما يكول خطأ لصالح رونالدو.


سأل ابو الفنية للطالب المحشش: صار لك ساعة ترسم خلصت ؟؟؟ الطالب:أي أستاذ رسمت لوحة بيها بقرة واكفة على الحشيش طبعا الورقة فارغة....... لك وين الحشيش ؟؟ الطالب : اكلته البقرة ! زين و ين البقرة ؟؟؟ راحت.


فد يوم مدرس سأل الطلاب ياحيوان يولد مرتين بالسنه كام طالب كال الماعز كله المعلم صح عفيه كله ابوك اشيشتغل كله دكتور كال شوفو ولد الدكاتره اذكيا يفتهمون جان يسأل سؤال ثاني كال ياحيوان يطير وعنده جناح كام طالب كله التمساح كله ايا اثول كله أنت أبوك اشيشتغل كله رئيس المخابرات مال القصر جان يكله المعلم اي ابني التمساح اذا شد حيله وتوكل على الله يطير قابل ألحمامه أحسن منه.



عراقي سأل إماراتي.. شگد راتبك.؟؟ الإماراتي:گال راتبي 15000 درهم, وبدل سكن 90000 درهم سنويا, وبدل مواصلات 1200 درهم شهريا, وبدل غلاء معيشة2000
درهم، وبدل ماء وكهرباء 1000 درهم وسيارة كل سنة وتأمين صحي للعائلة ومدارس خاصة لأولادي, وتذاكر سفر دولية ع الدرجة الأولى , بعدين الإماراتي سأل العراقي : وأنت كم راتبك .؟ گال العراقي: راتبي 300 الف دينار يعني 250 دولار الإماراتي قال هذي بدل أيش ..؟؟ قال : بدل ما أگدي.


اكو واحد عنده سبع بنات أجاله ولد سماه بعد وكت.


محشش فتح محل مال غاز فجر وحده دعايه.


أكو مذيعة سئلت اثنين محششين شنو العراق بالنسبة الكم ؟ اول واحد كال العراق يعنيلي امي .. سألو الثاني كال و الله ما اكدر احجي على ام صاحبي.


احول اكتشف وره 10 سنين انو هو يصرف على جيرانهم.


مرة اثنين محششين كاعدين بالمكبرة اجتي الشرطة عليهم الاول فلت والثاني بقى كلولة الشرطة ليش منهزمت كلهم والله اني ميت بس طلعت من الكبر حبيت اتمشى شوية.


اكو فد شاب اخذ سيم وراح وكف براس الشارع كال شوفو شاب وسيم.


محششين ديسوون دعاية ببسي.. واحد يشرب والثاتي يگلله: بقيلي شويه ... بقيلي شويه.


محشش شاف خروف دا يذبحوه فقال: الله أكبر، هذا هم مترجم.


محشش راح يخطب بنية فأهلها كالولة: إنته عليك الشقة فقال: خلص لعد، إنتو عليكم البنات و الشرب.


رسالة شبكة عراقنا الجديدة: إن الرقم المطلوب قد يكون مهاجرا أو داخل نطاق المقبرة، يرجى التأكد من الرقم و قراءة سورة الفاتحة مرة أخرى



اكو شاب گل لصاحبة: ماظلت وحدة بنفسي من البنات ماخلليتهه تركض ورايه.. گلله صاحبه: شچنت تسويلهن؟؟ گلله: أبوگ جنطهن


اااااااافديوم شايب يصيح على مرته: حبيبتي كلبي عزيزتي حياتييجي ولد شاب و يسأله يابهانت صدك هيج تحب مرتك ؟؟؟يكول لا والله بس ناسي اسمهه

معلم سال طالب كله اعطيني ثلاث حيوانات يعطنه حليب قال الطالب ثلاث بقرات

أكو فد واحد لوتي كلش اتزوج وحده لوتيه أجاهم ولد أول مااجه للدنيا مسوي نفسه ميت


أكو مارد خبيث , فد يوم واحد فرك المصباح طلع المارد الخبيث , شبيك لبيك عبدكبين اديك,
كال للمارد اطلب منك ان تخلي كل الناس تحتاجني ،كلة سمعن وطاعة يامولاي,
جان يكلبة تواليت !!!

اكو حجيه دخلت للمسبح برجت الدنيه كالت او بدو الشباب يصورون

شنو الفرق بين الطماطةوالقطن؟طبعا الطماطة اتكطن بل الكطن ميطمطم ؟



لزموا ببغاء وكطعوا ريشه كله وعلكوه بقفص الدجاج الدجاجات كامت تنصب وتضحك عليه الببغاء كال هاي شبيكم ما شايفين معتقل سياسي

فديوم اثنين واحد اعرج والاخر اعمى كاعدين على الرصيف طخت الاعرج سيارة راد يلحقوراها قالة الاعمى اكعد عيني سجلت رقمها

واحد محشش رجع من السفر لقى الشقة مليانه صراصير.. بدّل قفل الباب

محشش دائما يشعل جكارتين ويشربهم سوا …قاله صديقه : ليش؟ قال : عني وعن أخوي
اللي بالسجن .. وبعدين صار يشعل جكارة وحدة .. قال صديقة : مبروك طلع أخوك ..
قال : لا ، أني بطلت ادخن
حكمة صينية: كلما زاد همك اكفخ الي يمك

محشش فتح محل سماه: بقالة الاقمشة الكهربائية لحلاقة الاحذية الغذائية

حشاش گال لاخو: خلي نصير فنانين، انت فنان تشكيلي و آني فنان أشكيلك

غاب الحلو و غابت مسجاتة ... مدري دلع مدري خايف على فليساته

اشو البلبل ساكت ما ينسمع تغريده
ماادري باع الموبايل لو خلص رصيده؟

ظل ازمة البانزين مني لتره ومنك لتره ونخلي حبنا يعيش فتره

اسأل ما يسالون اشتاق ما يشتاقون گلت افخخ نفسي بلكت بحجة الفاتحة ايمرون
أنتي دبابة أنتي همر انتي احلى من الگمر لو شافچ الگلب صار عبوه ونفجر

كون انكلب طلقات وادخل كلبكم... واكتب على الشريان دمرني حبكم...

احبك وانا بكماطي يا دكمة من دكم قاطي يا احلى وردة برباطي يا جبن كيري بقواطي
قلبي مدرسه عشاق وانا بالهوى طالب ... كل يوم امتحن بالحب واطلع بالعشق راسب
انهجم بيت العين هلگد وكيحه........... كل ما يمر حليو وتگلي صيحه
متريكَت لان افكر بيك ... متغديت لان افكر بيك ... متعشيت لان افكر بيك ... منمت لان ميت من الجوع

أدعليك من كل كلبي يفتحها بوجهك قوطيه ببسي مخضوضه

تحت ضوء القمر ....... وعلى ضفاف النهر ...... وبين أوراق الشجر ........ أكو صرصر ميت

كل البشر حلوين بس انت الك ميزة ...مثلك يدخل الگلب وما يحتاجله فيزة

كون اني وياك بجزيره ، تبرد ادفيك تعطش ارويك ، تتدلل اسمطك براشدي واعميك

لا مسج لا مس كول حسبالي مفلس ... بس أدري كلش زين لوتي و مغلس


•غشيم كاعد مع زوجته كالتله قول لي كلمه تحسسني بالأمان
-گللهه .الحرس الوطني

* مفلس سأل الشيخ هذا المسجد المن ؟
- گله لكل المسلمين
- گله زين انا اريد ابيع حصتي

* غبي جاي يصبغ بحايط گالوله حط جوه رجليك جريده
- گال لاعادي انوش

* عجايز اثنين صعدن بسياره وگعدن وره السايق ووحده تگول للثانيه
اكلي بصل وانسي اللي حصل والثانيه تگوللهه اكلي ثوم وانسي الهموم
جان يگوللهن السايق اكلن خره ورجعن لوره

* واحد اوي دخل الجيش سأله الضابط اذا واجهك العدو شتسويله ؟
فگال . ارمي سلاحي بوجهه واكله اكرهك. اكرهك .ياقاسي...

* واحد فايخ جاب له ابوه كاسيت مال محاضرات يريده يعقل
اجاه بعد اسبوع لكاه محجب .

* واحد بخيل اجه يزور ابوه بالمستشفى ملكه مكتوب عالباب ادفع
فقال . بعدين اجي

* طالبه تعبانه راحت للمدرسه .طارت عبايتها .فقالتلها المدرسه . اعربي كلمه الهواء ؟ فقالت . فعل مضارع قليل الأدب طير عباتي من دون سبب

* قروي سألوه شنو معنى كلمه حساس بالأنكليزي ؟ فقال . سنستيف
فقالوله شنو معنى حشاش ؟ فقال شنشتيف

*مره واحد غرق طلعه واحد خبيث , فتعجب الغريق وقال عجيب اعرفك انت خبيث ؟
فقال . اي الصراحه انا خفت تموت شهيد .
* المدرس. ماهي الكلمه التي يستخدمها الأنسان عادة ؟
الطلاب . لااعرف استاذ .المدرس . صحيح

*مدرس كيمياء صار عنده ولد سماه . سامي اوكسيد الكاربون

* الأستاذ. لماذا يغيب القمر ؟
الطلاب . يذهب ليستلم الراتب استاذ

*عجوز طب لبيتهم حرامي سرق التلفزيون فلحكته وتصيح . تشتري الريموت

سألت المعلمة التلميذ شنستفاد من الديك؟ قال:ناكل لحمه. قالت وبعد: قال التلميذ: ونستفاد من الريش نسوية مخده. قالت: وبعد؟ قال: وبس. قالت: لعد منو الحيوان الي يكعدك الصبح؟ قال : ابوية

ايكلك فد يوم واحد يصلي بسرعة ..... انكلبت بي السجادة

مرة اردني لقى المصباح السحري كاله : بدي اطلب منك طلب بدي تطلع كل العراقيين من الاردن كاله المارد : ليش يمعود رحمة على بيك شمسوين احنة هههههههههههههههههه

محشش راح يكشف على اسنانه عند الدكتور كاله الدكتور يرادلك تقويم .. كاله المحشش هجري لو ميلادي

صايع تايب يرجم الشيطان و هو متلثم سألوه ليش ؟ قال اخاف احتاجه يوم من الايام

اكو واحد انفشخ ابو ودا للمضمد كله اشكد تاخذ واتخيطه كله المضمد عشر تالاف كله عيني دكه بسامير

ليش الخباز ينزع الساعة من يعجن ؟ علمود الدقيق لا يتحارش بالدقيقة

شرطي محشش لكه قرد بالشارع وداه للظابط كله شسوي بيه ؟الظابط كله وديه لحديقة الحيوان...راح و رجع وره ساعتين بيده القرد كله سيدي اوديه بعد مدينة العاب؟؟؟

وحده شافت زوجها يقرأ كتاب (الرجل سيد المنزل) قالتله اشكد اتحب القصص الخيالية

عصبي فتح مطعم كتب بيه: اليحب يتفضل يتسمم خلي يجي يتزقنب والمسوي ريجيم يطبه مرض عساه لا اكل والميعجبه يجي خلي ياكل قزرقط

فد يوم واحد خابر مرتة كلها احميلي المي .صاحبة كلي عمي لو هيج الزلم لو ما تنراد جاوبة كلة لعد شعبالك قابل اغسل مواعين بمي بارد

قصة أسلام أول هندوسي: مسلم زار هندوسي يباركله بالمولود الجديد.. سأله: ولد؟؟ گال:لا ... گال إذن بنيه... الهندوسي تعجب.... ورأسا أعلن إسلامه

أحول اشتره ديچ طلع الديچ همينه احول اجه يحطه بالقفص حطه بره.... الديچ على أساس لوتي راد ينهزم طب بالقفص

وحده حلمانه واحد يركض وراهه .. گالت له: ليش تركض ورايه؟ گاللهه: آنه أدري؟؟ انتي اللي حلمانه

واحد شاف اعمى لازم جريده گال اول مره اشوف اعمى يقره كلله الاعمى: ومنو گللك اعرف اقره؟؟؟.. اني جاي اتباوع عالصور بس

فد واحد ديضرب نفسه ابرة تأذى كام يصيح آخ آخ على كيفي على كيفي

حشاش يحچي ويّه روحه:مدري مواعد وحده الساعه ثنين؟..> مدري مواعد ثنين الساعه وحده؟

واحد و ابنه من اكله لحوم البشر شافو هيفا وهبي بالغابه الابن كال لابوه ناخذها البيت وناكلها ,,كال الاب ناخذها للبيت و ناكل امك

فد يوم ثلاثه ديشوفون منو انذل واحد بيهم الاول دفع مره عجوز ووكعها .....الثاني داس فوكاها ....الثالث كام يضحك كالوله شبيك كال هاي بيبيتي

لبناني وعراقي مضيعين نسوانهم الاول گال مرتي لابسة جينز قصير وضيق وبدي شفاف ومرتك؟گال العراقي : خلي تولي امشي ندور على مرتك

واحد حواسم راح يحج بيت الله فا اهناك ينادي : لبيك الهم لبيك ، فرهدنا العراق وجئنا اليك

اخرس تزوج خرسه فد يوم كتبتله اريد اروح لاهلي فرد عليها ماتروحين جان تكتبله بخط جبير اريد اروح لاهلي فكتبلها لا تصيحين

عجوزي جان ديخطب خطبة الجمعة فلمن كام ديخطب كال للمصلين :لا ادوخوني سامعين قصة النبي نوح عليه السلام? المصلين:اي سامعيها الخطيب:لعد اقم الصلاة. فلمن خلصت الصلاة كلهم يابة انتو سامعين قصة النبي ابراهيم عليه السلام? المصلين: اي سامعيها الخطيب: اي هاهية لعد لتجون الجمعة الجاية

محشش راد يخطب لابنه فا ابو البنيه ساله ابنك يدخن المحشش كال لاابد بس من يسكر ومرات لمن يخسر بالقمار
واحد كلش قصير اختنق من ريحة رجليه

قزم راح يفصل قاط گل للخياط: شوكت أجي عليه؟ گلله أخذلك فره بالسوگ وتعال

واحد عجزان.. أسبوعين واگع بحفره يصيح محد يطلعه.. أخير شي گال: أيست من البشر أطلع بوحدي.

اللاخ هم عجزان .. گل لمرته: خططي ظهري مربعات ورقميهه من الواحد للميه وحكيلي رقم 72

إعجوزچيه..واحد اتثاوب ..الثاني گال له: ميدام فتحت حلگك متصيحنا على ماي صارلي إسبوع عطشان.

محجبه لابسه قصير.. گالولها: ليش؟ گالت: حتى أرضي الله وعباده

برميل سأله لصاحبه:وين هالأيام؟ متنشاف؟ گال له: والله موفارغ

لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي

واحد گل لصاحبة: ماظلت وحدة بنفسي من البنات ماخلليتهه تركض ورايه.. گلله صاحبه: شچنت تسويلهن؟؟ گلله: أبوگ جنطهن

واحد راح يشتري ستلايت گال لابو المحل: ماعندي فلوس ، توافق إذا انطيك بدال الستلايت موبايلي ؟؟.. أبو المحل وافق.. گام صاحبنه گلله: إكتب يمك صفر سبعة تسعه مكرر واحد مكرر سبعة.

كنغر سأل مرته: وين الولد؟ گالتله هذا بجيبي.. گالهه لا والله جديات..مو وكت شقه، وينه؟

سكران وگع من الطابق العاشر گام يندعي: يا إلهي آخر مره.. يا إلهي آخر مرة، وگع على كومة قش، گام گال: صدگ السكران تجي براسه شغلات

واحد صادقله مخلوق فضائي، گلله: صدگ الدقيقة عدكم بمليون سنه عدنه؟؟ گلله أي، گلله: زين وصدگ الدينار عدكم بمليون عدنه؟؟ گلله: هم أي.. گلله: زين ماتنطيني فد دينار.. گلله: انتظر فد دقيقة

واحد سأل صاحبه. : شنو اخبار الوالد؟؟ بعدين تذكر انو والده ميت فكمل بسرعة: بعده بنفس المگبرة؟

واحد احول ماشى بجنازة امه يصيح: آخ... ياويلي.. هم امي وهم خالتي

جبان سمع صفارة الانذار، شرد.. گالوله: تره ديجربوهه گال: واني همينه دا اجرب الشرده

لبناني تعرف على وحده صينيه، گاللها: شو إسمك؟؟ گالت: مي ـ شان ـ شو.. گال: ميشان نتعرف

ديچ مراهق مضوج دجاج المنطقه.. گالتله وحده: ماعندك أهل يربوك؟؟ گاللهه: لا والله تفقيس مكاين

فيترجي صادق وحدة بالماسنجر فتح وياها مايك كلتله الصوت يكطع كلها هاي صوج الكابريتة لو صوج البلكات

واحد جندي اسمه ثابت... الضابط كل ميصيح ثابت هو يصيح نعم سيدي... الضايط يكله ابني مو عليك يعني ثبتو... الضابط رادو يزوروه مسؤولين كال هذا يفشلني.. كله هاك اجازه شهر.. اجو الزوار صاح ثابت الجنود كلهم صاحوا مجاز سيدي

فار سكران كال كل البزازين جوة قندرتي , اندار شاف هر اسود كال بس ابو سمرة على راسي

واحد مايع واقف وراء الامام بالصلاة، فالامام بقول أستقيموا وأعتدلوا. فقال: أوكي حياتي جاهزين

اكو فد واحد طفل راح على امة يبجي كله يمة كرصتني عكربة كلتلة امة ..طرطارة طرطارة

فد يوم الاستاذ دخل للطلاب كللهم دارسين؟ كلوله لا استاذ بطنج

واحد رسم دائرة و عيّن نفسه بيها
واحد راح راس الشارع شافه اصلع
واحد راد يبني مستقبله خلص الطابوق
واحد قدم عريضة طلعت رفيعة
واحد ضغط على نفسه انكسرت
واحد راح يوكل محامى لقاه صايم
واحد وكل محامي جان يعض ايده
واحد الفار لعب بعبه ذبله مصياده
واحد ضربته الشمس، صاح جماعته

فد وحده بعيد الحب راحت لابو المكتبه كلتله عندك بطاقه مكتوب بيه الى حبيبي الوحيد كالها اي كلتله زين انطيني 14 بطاقه
اربع سودانين اتغطو ابطانية حمرة انقلبو كيت كات

معيدي كتل واحد كيكي .. راح الكيكي لم 100 واحد من عمامه وراح لبيت المعيدي دك الباب طلعله المعيدي كاله الكيكي هذوله كلللللللللللللللهم يكرهوك

شنو الفرق بين تنوره قصيره وحبل قصير ............الحبل يجر حمار والتنوره اتجر 100 حمار

طرق النساء في تنويم اطفالهن.. المصريه : نام يا حبيبي نام . السوريه : نام يبعتلك حمى . اللبنانيه: نام تقبرني . الاوربيه : سويت دريمز بيبي. العراقيه : عووووو اجا حرامي ياخذك انطمر الله يشيلك انت وابوك
__________________

بمناسبة الشتاء

انساهم يقلبي وكول توبة
وبالساحة بعد ما جيس توبة
اجاك الشته كوم اشتري توبة
نفطية
*****************
باب اجفوف اجني وقرعني
قصيدة اسأل علية وقرعني
الصحن بالكاع انصحك وقرة عني
لا اكسرة
******************
قريناك وفهمنه بل تلونه
وغصب ترسم وفانه بل تلونه
نعلبك مثل لعبة بلتلونه
وريال مدريد
******************
شعر كمت اكتب من الضيم هندي
بزغري اتطوعت للوطن هندي
ردت موطة اشتري ملكيت هندي
ربع
*******************
اذا عاطل فرنكم ودفرني
وماهم للدفعني والدفرني
راح اصعد بصفك ودفرني
بالسيارة
المصايب بس عليه اليوم تمن
ترة الحاجه العزيزه اليوم تمن
خلصت ولك يالمحبوب تمن
يروح لاهله


بنص صحرة التفت ماكو عبيرة
وخطيه الورد هالباكَو عبيرة
ليش زغيرة خوب اطلب عبيرة
انت ماخذ ماخذ


وحك فرعون وي عصاة موسى
الوكت حط بلهاتي اليوم موسه
حبيبك لا زعل وياك موسه
من حلكه


اذا فايخ وعنده فلوس بوكه
وصدك بالبصرة عدهم سجن بوكه
روحي بروحك صاروا مثل بوكه
وطمطم


يدهري شبيك ياهو وياي لزاك
لزكت بالثوب جنك صرت لزاك
من اطب اعليك اكفك مثل لزاك
فرحان


ابميزان الوفه كلبي دعيرة
والي عيرك بالحب دعيرة
اريد اخذلي دراجه دعيرة
اروح واجي بيهه


فرق مابين بيضه والسويده
لا امريكه تنفع والسويده
لعبت وياج حيده والسويده
امج على ابوج


بعت الروح شو محد شراهه
وادور بالكلب فرحه شراهه
اضن سيارتي باجر شراهه
زوجي


المكبسل اعرفه والمدكدك
وفرق مابين طولك والمدكدك
حياتي المو بكذله والمدكدك
شاكه


براخال من اصطرنه وبراعم
شلون اتلعب اشبالك براعم
الماي البارد يأذي البراعيم
اطك


يابو حمود جايك كوم هينه
وعلى هذا الحجي فديوم هينه
شعرك لوكبر فديوم هينه
حفر


عرفت الكال والكايل مبايك
شعره من الزمن صدك مبايك
تدري انه وش عندي مبايك
طابوكه


طعم خده من السكر سكاره
وطحنه بشوفتك صدك سكاره
حالي اليوم من بعدك سكاره
اسبين


الوكت لو طال يمك يوم جيبه
اذا يمشي بطريق بعيد جيبه
اريدك انته هسه تصيح جيبه
بات

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/?ref=home
 
نكات وابوذيات تحشيش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دردشة حزن العشاق كتابي خليجي جات حزن العشاق تجمع شباب بنات الخليج دردشة عراقنا الكتابية :: قسم المسجات والتحشيشات-
انتقل الى: